數學教學分享

發表於 2019-03-18

家長們或會很好奇博思會老師是如何教導學生,今期就讓我們分享數學老師平日在課堂上如何幫助學生,若家長有興趣知道老師更多的小秘技,記得報名參加4月份的「與博思專家有約」,有「早期數學」的探討及相關支援方法啦 !

數學科

在數學科中,讀寫障礙學生往往不懂處理「比較型」文字題,如「… 比 … 多」、「… 比 … 少」、「… 比 … 長」、「… 比 … 短」,未能分出應用「加數」還是「減數」計算。

例子: 明明中中14厘米 , 明明 身高95厘米。問 中中 身高多少厘米 ?

學生看到「矮」字就當作「減數」。

博思會數學老師通常用以下的圖解策略 (RDWC strategy), 一步一步跟小朋友拆解文字題,引導他們得到正確的答案,家長也不妨參考一下。

第一步 讀解 (R – Read)

老師 (T) : 你先將題目讀出嚟。

學生 (S) : (把題目一字一字慢慢地讀出)

T: 你而家用口語講一次俾我聽。

S: (用口語講出題目)

(* 如小朋友不懂用口語表達,家長可以示範一次。)

T: 題目裏面 , 有幾多個「人」 ?

S: 2個

T: 邊兩個 ?

S: 明明 , 中中

T: 啱啦 ! 喺呢度寫低「明明」同「中中」個名。

(見圖 1 )

第二步 圖解 (D – Draw)

T: 而家我哋做第二步圖解。

要畫兩個火柴人仔來代表「明明」 同「中中」

你會畫邊個先?

S: 明明

T: 咁你喺 「明明」嗰名上面畫個火柴人仔。(見圖 2)

T: 我哋一齊讀第一句明明中中14厘米」, 邊個矮啲 ?

S: 「明明」矮啲。(學生把手指遮住「比中中」這三個字)

T: (引導學生答「中中 啲」)

明明」啲 , 所以「中中」 ….

S: 「中中」

T: 而家你喺中中嗰名上面畫個火柴人仔 (見圖 3)

(待學生畫出「中中嘅火柴人仔」)

T: 咁喺圖裏面 , 邊個部份代表「14厘米」?

(待學生指出圖中正確的部份,並寫下14) (見圖4)

T: 而家我哋一齊讀第二句 -「明明身高95厘米」。你會將95寫喺邊?

S: 明明嘅火柴人旁邊。

(待學生寫下95 ) (見圖5 )

T: 而家我哋一齊讀第三句 -「中中身高多少厘米?」呢句喺唔喺問句 ?

S: 喺。

T: 咁你會將「問號」寫喺邊個火柴人旁邊?

S: 中中旁邊 (待學生寫出「? 」) (見圖 6 )

第三步 寫數式 (W – Write number sentences)

T: 而家我哋看圖寫數式, 你會用咩方法計出中中嘅身高?

S: 用加法。

T: 點解?

(引導學生講出: 「明明的火柴人」同「14厘米的部 份」合起來就係「中中的身高」, 「合起來」即係「加法」)

T: 而家將數式寫出嚟。

(待學生寫出95 + 14) (見圖 7 )

第四步 計算 (C – Calculate)

T: (待學生計算)

T: 答案係…

S: 109 厘米 (見圖7)

總結:

家長需要留意小朋友在做文字題時,他們能否認讀題目中的文字,並明白詞彙的意思及題意 ( 如 : 「便宜」代表「平」),倘若孩子未能理解清楚,則需要先解釋詞意才能進一步以「圖解策略」來理解「比較」概念了。

以上文章節錄自2019年3月《博思薈訊》

返回文章分享